Subscribe to RSS Feed

கடவுள் செய்த குற்றமடி

on January 1st, 2010 by sakthi

 

எண்ண அலைகளில்

மின்னும் உணர்வுகளில்

வண்ணக் கனவுகளை

மெல்லத் தவழ விட்டு

உன்னை மறைத்து வைத்துக்

கடவுள் செய்த குற்றமடி

 

மண்ணைத் தழுவுமுந்தன்

மணியான கருவிழிகள்

என்னைத் தீண்டி விட்டு

தன்னுள் புதைந்து கொண்ட

தந்திரத்தை உனக்களித்து

தவிக்க விட்ட அந்தக்

கடவுள் செய்த குற்றமடி

 

வெண்கலத்தில் மணிகள்

உருண்டோடும் ஒலிகளைப் போல்

கிண்கிணி நதமாய் பொன் சிரிப்பை

உதித்து என் மனதைச் சிதைத்த

பெண்ணுருவை கணத்தில் மறைத்து

சாகசம் புரிந்து விட்ட

கடவுள் செய்த குற்றமடி

 

அகலப் பரந்து விரிந்த இந்த

அகிலத்தின் மூலையில்

சுவாசித்துக் கொண்டிருந்த என்

சிந்தனையின் வலையிலே

சிங்காரப் பெண்ணவளைச்

சிக்க வைத்துப் பின் தப்ப விட்ட

கடவுள் செய்த குற்றமடி

 

அன்புடன்

சக்தி

| Posted in கவிதை

Leave a Reply